UCL. Jogap duşuşyklaryň ilkinji güni

Çempionlar ligasynyň 1/8 finalyndaky jogap duşuşyklarynyň ilkinji güni 17-nji martda we 18-nji marta geçilýän janköýerlerine birnäçe gyzykly garşylaşyklary hödürlär.

Lissabonda «Sporting» topary «Bude-Glimt» toparyny kabul eder. Ilkinji duşuşykda norwegiýaly topar 3:0 hasabynda ýeňiş gazanyp, uly artykmaçlyk bilen meýdana çykar. Jogap oýny Aşgabat wagty bilen sagat 22:45-de başlanar.

Londonda «Arsenal» topary «Baýer» bilen duşuşar. Germaniýada geçirilen ilkinji oýun 1:1 hasabynda tamamlandy, şonuň üçin bu garşylaşykda ýeňijini kesgitlemek aýratyn gyzykly bolar. Duşuşyk Aşgabat wagty bilen sagat 01:00-da başlanar.

Şol wagtda «Çelsi» öz meýdançasynda «PSŽ» toparyny kabul eder. Parižde geçirilen ilkinji oýunda fransuz topary 5:2 hasabynda ýeňiş gazanypdy we uly artykmaçlyga eýe boldy.

Gijäniň esasy duşuşyklarynyň biri Angliýada geçiriler — «Mançester Siti» bilen «Real» ýene-de pleý-off tapgyrynda ýüzbe-ýüz bolar. Madridde geçirilen ilkinji oýunda «Real» 3:0 hasabynda ýeňiş gazanypdy, şol duşuşykda Federiko Walwerde het-trik edipdi.

Soňky ýyllarda bu iki toparyň garşylaşygy ýaryşyň iň garaşylýan duelleriniň birine öwrüldi. Bu jübütde ýeňiji bolan topar çärýek finalda «Bawariýa» bilen «Atalanta» jübütiniň ýeňijisi bilen duşuşar.