UCL. "Bawariýada" derwezeçi meselesi ýüze çykdy

Çempionlar ligasynda «Atalanta» garşy geçiriljek duşuşygyň öňüsyrasynda «Bawariýa» topary derwezeçiler bilen bagly kyn ýagdaýa düşdi. "Bayern and Germany" neşiriniň maglumatyna görä, toparyň ýene bir derwezeçisi şikes aldy.

Soňky duşuşykda «Baýera» garşy oýunda Swen Ulraýh şikes aldy. Şeýlelikde häzirki wagtda «Bawariýanyň» birinji toparyndaky ähli derwezeçiler şikes sebäpli oýnap bilmeýär.

Manuel Noýer baldyr myşsasynyň şikesi sebäpli meýdança çykyp bilmeýär. Ýonas Urbig sarsgyn aldy. Swen Ulraýh getirme myşsasynyň ýyrtylmagy sebäpli hatardan çykdy. Leon Klanas bolsa buduň şikesi sebäpli dikeldiş döwrüni geçirýär.

Eger Urbig ýakyn duşuşyga çenli doly dikeldip bilmese, onda Çempionlar ligasyndaky indiki oýunda «Bawariýanyň» derwezesini akademiýadan bolan 16 ýaşly derwezeçi Leonard Preskott gorap biler.

«Bawariýa» bilen «Atalanta» toparlarynyň arasyndaky jogap duşuşygy 19-njy marta geçilýän gije geçiriler. Birinji duşuşykda «Bawariýa» 6:1 hasabynda uly ýeňiş gazanypdy.