TNFL. "Köpetdag" liderligini berk saklaýar

6-njy sentýabrda Aşgabat şäherinde Naýbaşy futzal ligasynyň 13-nji tapgyrynyň duşuşyklary geçirildi. Üç duşuşygyň netijesinde «Köpetdag», «Migrasiýa» we «Senagatbank» toparlary ýeňiş gazanyp, hersi 3 utukdan alyp bildi. Geçen 12-nji tapgyrda bolsa hiç bir topar 3 utuk gazanyp bilmediler.

Tapgyryň merkezi duşuşygynda ýaryşyň lideri «Köpetdag» bilen ikinji orny eýeläp gelýän «Ahal» duşuşdy. Gyzykly geçen duşuşykda «Köpetdag» garşydaşyny 5:2 hasabynda ýeňmegi başardy. Bu ýeňlişden soň «Ahal» ikinji ornuny ýitirdi we 19 utuk bilen üçünji basgançaga düşdi. Onuň ornuny 20 utuk toplan «Senagatbank» eýeledi.

Tapgyryň beýleki duşuşyklarynda:

«Migrasiýa» – «Deňizçi» 5:2

«Senagatbank» – «TNGIZT» 5:0

Şeýlelikde, «Köpetdag» 31 utuk bilen ýaryşyň liderligini ynamly dowam etdirýär. Ikinji orunda 20 utuk bilen «Senagatbank», üçünji ýerde bolsa 19 utuk bilen «Ahal» ýerleşýär.

Naýbaşy futzal ligasynyň 14–16-njy tapgyrlary Mary welaýatynda geçiriler. 14-nji tapgyryň duşuşyklary 29-njy sentýabrda bolar.

Ýaryş tablisasy: