Çempionlar ligasynyň umumy tapgyry tamamlandy

29-njy ýanwarda Çempionlar ligasynyň umumy tapgyrynyň sekizinji we jemleýji oýunlary tamamlandy.

Sanawda 1-nji we 8-nji orny alan klublar göni 1/8 finala çykdylar. Olar: «Liwerpul», «Barselona», ​​«Arsenal», «Inter», «Atletiko Madrid», «Baýer Lewerkuzen», «Lill», «Aston Willa».

9-njy orundan 24-nji orna çenli ýer alan klublar, ýaryşyň 1/8 finalyna çykmak üçin pleý-off oýunlaryny oýnarlar: «Atalanta», «Borussiýa Dortmund», «Real Madrid», «Bawariýa», «Milan», «PSW», «PSŽ», «Benfika», «Monako», «Brest», «Feýenoord», «Ýuwentus», «Seltik», «Sporting», «Brýugge».

Umumy tapgyryň sekiz oýunlarynda utuk ýitirmän ýekeje klubda çykyş etmedi. Birinji orny eýelän «Liwerpul», ýaryşyň ýedi oýnunda ýeňiş gazanandy, ýöne soňky oýunda 2:3 hasabynda «PSW»-den ýeňildi.

24-nji orundan aşakdaky 12 klub ýaryşdan çykýar. Bular «Dinamo Zagreb», «Ştutgart», «Şahtýor», «Bolonýa», «Srwena Zwezda», «Şturm», «Sparta Praga», «Leýpsig», «Žirona», «Salzburg», «Slowan», «Ýang Boýs».

1/8 finala çykmak üçin pleý-off tapgyrynyň bije çekilşigi 31-nji ýanwarda geçiriler. Pleý-off oýunlary 11-12-nji we 18-19-njy fewralda oýnalar.